БИЕИЙН ЭРҮҮЛ ЧИЙРЭГ БАЙДАЛ СЭТГЭХҮЙН ЭРҮҮЛ ЧИЙРЭГ БАЙДАЛД НӨЛӨӨЛДӨГ.
Эрүүл саруул махбодийг эрүүл саруул ухаанаас салгашгүй юм.
Бие махбодийн эрүүл чийрэг, фит байдал болон тархины эрүүл байдал хоёрын харилцан уялдааг эрдэмтэд судалжээ. Уг судалгааг АНУ-ын Висконсины Их Сургуулийн кинезиологи буюу биеийн хөдөлгөөний механикийн шинжлэх ухааны туслах профессор бөгөөд Дасгал Хөдөлгөөн ба Тархины Дэлхийн Конгрессийн 2017 оны дарга Jill Barnes удирдан 2013 онд хийсэн байна. Энэхүү судалгаагаар тамирчин биш, хөдөлгөөн багатай болон зугаацах зорилгоор дасгал хийдэг хүмүүсийн тархийг судалсан бөгөөд тэдний тархины судас нь өдөөлтөнд хэрхэн хариу үйлдэл үзүүлж байгааг хэмжжээ.
Ахимаг насны хүмүүс дасгал хийх үед тархины судсас дахин сэргэдэг болохыг судалгааны үр дүн харуулсан байна. Тиймээс, илүү их дасгал хөдөлгөөн хийдэг хүмүүсийн тархинд илүү их цусан хангамж очдог гэсэн дүгнэлтэнд хүрчээ.
Тархийг ажиллуулж, тархинд очих цусан хангамжийг сайжруулдаг дасгал хөдөлгөөн, үйл ажиллагаа нь тархины анхаарлыг бүх л талаар сайжруулдаг гэж Харвардын Анагаах Ухааны Сургуулийн сэтгэл судлалын профессор бөгөөд “Оч: Дасгал Хөдөлгөөн болон Тархины тухай Хувьсгал хийсэн Шинэ Шинжлэх Ухаан” хэмээх 2008 онд хэвлэгдсэн номны зохиогч John Ratey хэлж байна. Тархинд хамгийн сайн дасгал хөдөлгөөн бол зүрхний цохилтыг түргэсгэж байгаа бүх л дасгал хөдөлгөөн юм гэж тэрээр хэлж байна.
Ялангуяа, бие махбодийн дасгал хөдөлгөөнийг координаци сорьсон дасгалуудтай (жишээ нь: саад дундуур хөл бөмбөг залах) хослуулан хийх нь тархинд илүү үр нөлөөтэй гэнэ. Аль болох илүү олон тархины эд эсийг ашиглах тусам дараа нь болох гэж байгаа зүйлийг урьдчилж мэдрэх чадвар тархинд илүү их суудаг гэж Dr. Ratey хэлж байна. Бүжиг, гимнастик, дээс үсрэх, холимог тулаан, далайн давалгаанд гулгах, хөл бөмбөг – бүгдээрээ тархийг жинхэнэ асааж, сэргээдэг гэнэ.
Суугаа ажилтай хүмүүс эсхүл сэтгэхүйн түгжрэлд орох буюу асуудал шийдвэрлэх тал дээр гацаад байгаа үед ядаж шатаар дээш, доош алхах эсхүл ажил дотроо хурдхан алхах (ингэхдээ зүрхний цохилт түргэсч байгаа болон жигдхэн амьсгалж байгаа эсэхэд анхаарах) нь тус болж болох юм.
Эх сурвалж: Уол Стрийт сэтгүүл, 2014 оны 11-р сарын 16-ны нийтлэл
http://www.wsj.com/articles/physical-fitness-mental-fitness-1479145666?mod=e2fb
ONEFIT
ONEFIT gives you access to more than 50 best gyms and studios in UB. Download now for free. For more information and promotions, call 70107700, 70107710.
Санал болгох
Өвлийн хүйтнийг гэр бүлээрээ хэрхэн сонирхолтой өнгөрөөх вэ?
Хүйтний эрч өдөр ирэх тутамд л нэмэгдэж байна. Энэ үед утаа тортог, халтиргаа гулгаа, замын түгжрэл, завгүй ажил зэргээс үүдэж бид багагүй стресстдэг. Стрессээс болоод гэр бүлийнхэндээ ч төдийлөн анхаарал халамж тавьж чаддагүй. Гэтэл өнөөдөр амралтын өдөр, цонхоороо хардаа нартай хэрнээ зөөлөн цасан бударч байна. Энэ өдрийг гэрийнхэнтэйгээ сайхан өнгөрүүлэхэд чинь тус болох хэдэн санааг хүргэж байна.
Гэдэсний 6 булчинг хэрхэн гаргах вэ
Бид өдөр бүр л зурагт, сонин сэтгүүл, цахим ертөнцөөр өөрийн биеийг төгс хөгжүүлж чадсан, бусдад үлгэр дуриалал болж чадаж буй залуус бүсгүйчүүлийн зургийг хараад “Гоё юм аа” гэж санаашран суухаас илүүтэйгээр өөрсдөө зориг гарган оролдож үзэхийг төдийлөн хүсдэггүй. Дур булаам бие галбиртай байхын нэг үндэс нь гэдэсний 6 булчин байдгийг мэднэ л биз дээ. Тэгвэл яг одооноос эхлэхийг уриалж байна. Учир нь танд зориулж хялбар аргаар гэдэсний булчинтай болох хэдэн аргыг зааж өгье.
Эрчүүд ч гэсэн иогоор хичээллэдэг
Ихэнх хүмүүс иог бол зөвхөн эмэгтэйчүүдэд зориулсан хөдөлгөөн гэж бодох нь бий. Үнэндээ иог бол эрэгтэй эмэгтэй хэн бүхэнд хэрэгтэй бөгөөд иогоор хичээллэхэд ямар үр дүнд хүрч болохыг та мэдэх үү? Олны танил Adam Levine, Woody Harrelson, Russell Brand, Jon Bon Jovi, Sting, Alec Baldwin, Sting зэрэг алдартнууд дэлхий нийтийг иогоор хичээллэхийг уриалж байна. Та ч мөн адил иогоор хичээллэхийг хүсч байна уу? Иогоор хичээллэхэд танд дараах хэдэн алхам л хэрэгтэй:
Монгол
сэтгэгдэл үлдээх