Биеийн ус

Нийтэлсэн: ONEFIT Категори: Lifestyle 16131 2017.06.18

Биеийн ус нь эрүүл биеийн чухал хэмжүүрийн нэг юм. Хүний бие зөв ажиллахын тулд ус хэрэгтэй. Бие дэх усны төгс тэнцвэрийг олох нь гол түлхүүр буюу усны хэрэглээ нь биеийн усны алдагдлыг нөхөж байх ёстой. Хүний бие усыг арьс, хөлс, шээс болон амьсгалаараа дамжуулан алдаж байдаг. Иймд хэрэв төгс тэнцвэрийг нь олвол, хүн эрүүл, аз жаргалтай, сэтгэл хангалуун байдаг байна.

Биеийн ус болон зохистой хувь хэмжээ гэж юу вэ?

Биеийн ус гэдэг нь хүний бие дэх шингэний нийт хэмжээ юм. Хүний бие хамгийн багадаа 50% нь уснаас бүрдэх ёстой. Яг нарийн хувь хэмжээ нь олон хүчин зүйлсээс (нас, хүйс гэх мэт) шалтгаалдаг байна. Биеийн ус нь эд эсийн анхдагч бүрдүүлэгч хэсэг болдог ба биеийн дотор халууныг зохицуулж, булчинг хүчтэй болгож, арьсыг чийгшүүлдэг байна. Эдгээр нь яагаад биеийн ус болон ус уух нь чухал болох тухай хэдхэн жишээ юм. Хүн бүрийн хувьд зохистой хувь хэмжээ харилцан адилгүй байдаг. Үүнд нас, хүйс, биеийн бүтэц зэрэг өөр өөр хүчин зүйлс нөлөөлдөг байна. Ерөнхийдөө эмэгтэй хүн эрэгтэй хүнээс бага хувь хэмжээтэй байдаг. Учир нь эмэгтэй хүн илүү их эд эс агуулдаг ба насанд хүрсэн эмэгтэй хүний зохистой усны хувь хэмжээ нь 45-60%-ийн хооронд хэлбэлздэг бол эрэгтэй хүнийх нийт биеийн 50-65% ус байх ёстой байдаг байна. Жинхэнэ тамирчин биеийн хувьд жирийн дундаж биеийнхээс 5%-иар илүү ус агуулсан байхыг зөвлөдөг байна.

Ус хангалттай уухгүй байснаас гарах үр дагавар

Хүн бүр ус уух нь чухал гэдгийг мэднэ. Гэвч цөөн хэдхэн л яагаад чухал болохыг мэддэггүй байна. Ус уухгүй байх нь эрүүл мэндийн ноцтой асуудлуудыг үүсгэдэг ба хэрэв ус дутагдвал:

Амархан ядрах, сульдах
Арьсны асуудал үүсэх
Амьсгалын замын асуудал болон харшлын өвчин үүсэх

Мэдрэлийн өвчин үүсэх

Өндөр холестеринтой болох
Өндөр цусны даралттай болох

Биеийн жин нэмэгдэх гэх мэт.

Дээрх асуудлуудаас урьдчилан сэргийлэхийн тулд, бие дэх усны "түвшин"-г шалгаж байхыг зөвлөдөг байна. Ялангуяа, хэрэв та жин хасах гэж байгаа бол шүү дээ!

Усны "түвшин"-гээ хэрхэн нэмэх вэ?

Биеийн усны хэмжээг нэмэх олон арга бий. Энэ нь өдөр бүр дор хаяж 2 литр ус уухаас эхэлнэ. Хамгийн чухал нь ус уухын тулд цангаж эхлэх хүртлээ хүлээх хэрэггүй шүү. Цаашлаад өглөөг 1 аяга ус ууснаар эхэлж байхыг зөвлөж байна. Энэ нь биеэс элдэв хог хаягдал болон хорт бодисыг цэвэрлэдэг байна. Усны хэмжээгээ нэмэх өөр 1 арга бол түүхий жимс, ногоо идэх арга байна. Тэдгээр нь усаар баялаг тул байнга ус уухын оронд хэрэглэж болох сайн арга юм. Таны шээс ойр ойрхон хүрч, өнгө нь тунгалаг шар болтол нь ус уух хэрэгтэй гэдгийг байнга санаж байгаарай.

Зөвхөн 1 гишүүнчлэлээр Улаанбаатар хотын 60 гаруй фитнес спорт клуб, гоо сайхны салоноор үйлчлүүлэх боломжтой ONEFIT аппыг утсандаа татаж суулган, олон төрлийн фитнес спортоор хичээллэж үзээрэй. Яг одоо шинэ урамшуулал зарласан байгаа ба Эрүүл Чийрэг багцын худалдан авалт бүрт 1 ХҮҮХДИЙН БАГЦ, Супер бие багцын худалдан авалт бүрт 2 ГОО САЙХНЫ ҮЙЛЧИЛГЭЭ бэлэглэнэ.

Нэмэлт мэдээллийг 70107700; 70107710 дугаараас лавлана уу.

Нийтэлсэн

ONEFIT
ONEFIT gives you access to more than 50 best gyms and studios in UB. Download now for free. For more information and promotions, call 70107700, 70107710.

Санал болгох

Эрхэм хүндэт 2017 оны төгсөгчидөө...

Энэ цагийн хамгийн чинээлэг төдийгүй, хамгийн өргөн сэтгэлгээний цар хүрээтэй хүмүүсийн нэг Билл Гейтсээс 2017 оны сургууль төгсөгчидөд өгөх бэлэг

Хүүхдийн багцад ямар фитнес, спорт орсон бэ?

Хүчирхэг Эмэгтэйчүүд

Өнөө үеийн шилдэг эмэгтэй манлайлагчид хүүхэд өсгөж, компани удирдахын зэрэгцээ супер фит болсон. Ингээд дэлхийн том компаниудыг удирддаг эмэгтэйчүүдийн хэрхэн спортоор хичээллэдэг, түүний ач тусын тухай, ажил амьдралдаа амжилт гаргахад тусалдаг тухай энэхүү сонирхолтой нийтлэлийг хүргэж байна.

Move

Wellness

Lifestyle

Spotlight Partner

Spotlight Member

Биеийн ус

Эрхэм хүндэт 2017 оны төгсөгчидөө...

Хүүхдийн багцад ямар фитнес, спорт орсон бэ?

Хүчирхэг Эмэгтэйчүүд