Хоол тэжээл бол шатахуун – дасгалын өмнө, дундуур болон дараа

Таны бие таны машин, тэгэхээр та мотороо - зүрхээ - тасралтгүй ажиллуулах нь чухал.

Энэ юу гэсэн үг вэ гэвэл та банкаа сайн шатахуунаар буюу зөв хоолоор, радиатораа зөв шингэнээр зөв хэмжээгээр зөв цагт дүүргэхийг хэлж байгаа юм. Америкийн Спортын Анагаах Ухааны Коллеж (The American College of Sports Medicine)-ийн хэлснээр "Дасгалын өмнө, дасгалын явцад болон дасгалын дараа зөв хоол болон шингэнийг хэрэглэх нь дасгал хийх явцад цусан дахь глюкозын хэмжээг барьж, дасгалыг үр дүнтэй болгодог төдийгүй мөн бие хурдан нөхөн сэргэх процессыг нэмэгдүүлдэг байна. Тамирчид бэлтгэл хийхээс өмнө хангалттай хэмжээний шингэн уусан байх шаардлагатай байдаг, бие дэх шингэний тэнцвэрийг барьж байхын тулд бэлтгэлийн үеэр болон дараа нь ч шингэн зүйлсийг хангалттай сайн уух хэрэгтэй."

“Та хатуу дэглэм, хуваарь баримтлах хэрэггүй, өөрчилж болохгүй хатуу тогтоосон дэглэм гэж байхгүй,” “Гэхдээ дасгалын өмнө, дундуур болон дараа нь хийх хэрэгтэй хэдэн зүйлс бий.” гэж Нью-Иорк хотод байдаг Mount Sinai Medical Center-ийн Зүрх Судас Нөхөн Сэргээх Төвийн хоол тэжээлийн зөвлөх Riska Platt (M.S., R.D.) хэлж байна.

ДАСГАЛЫН ӨМНӨ: БАНКАА ДҮҮРГЭ!

Дасгалын өмнө ходоодоо цэнэглэхгүй байх нь яг л “бензингүй машин барихтай,” адил гэж Америкийн Зүрхний Холбооны сайн дурын ажилтан Platt хэлж байна.  Дасгалаа дээд зэргээр хийх энерги байхгүй, калори шатаах чадвар буурдаг.

Боломжтой бол дасгал хийхээсээ өмнө хоёр цагийн өмнө дараах байдлаар цэнэглэх нь зүйтэй:

• Ус уух.
• Эрүүл carbohydrates буюу нүүрс ус идэх, жишээ нь тослог багатай эсхүл тослоггүй сүүтэй бүхэл үрийн сириал (whole-grain cereals), бор талх тоаст (тослог ихтэй масло эсхүл бяслаггүй), тослог багатай эсхүл тослоггүй тараг, бүхэл үрийн гоймон, бор будаа, жимс, ногоо.
• Ханасан өөх тосноос зайлсхийх, эрүүл протийн буюу уураг их хэмжээгээр хэрэглэхээс зайлсхийх — яагаад гэвэл ийм төрлийн хүнсийг ходоод маш удаан боловсруулдаг бөгөөд булчинд хүчилтөрөгч болон энерги нийлүүлдэг цусыг булчингаас холдуулдаг.

Хэрвээ танд дасгал хийхээс өмнө зөвхөн 5-10 минут байвал, алим эсхүл банана гэх мэт нэг ширхэг жимс идэх хэрэгтэй. Хамгийн чухал нь амархан шингэх нүүрс ус идэх хэрэгтэй, тэгвэл та нозоорохгүй.

ДАСГАЛЫН ДУНДУУР: БОГИНО АМРАЛТ АВ

Хэдэн цагаар тасралтгүй хичээллэдэг мэргэжлийн тамирчин эсхүл анхан буюу дунд шатны хэмнэлтэй байсан ч үе үе хэдхэн, жоохон балга ус ууж байх хэрэгтэй.

Нэг цаг буюу түүнээс доош хугацааны дасгалын дундуур юм идэх хэрэггүй гэж Platt зөвлөж байна. Гэхдээ, урт бөгөөд өндөр эрчимжүүлсэн эрч хүчтэй дасгалын дундуур хагас цаг тутам 50-100 калори жишээ нь үзэм, банана эсхүл energy bar идэх хэрэгтэй гэж тэрээр зөвлөж байна.

ДАСГАЛЫН ДАРАА: БАНКАА ДАХИН ДҮҮРГЭ!

Дасгалын дараа дараах байдлаар цэнэглэх хэрэгтэй:

• Шингэн. Мэдээж ус уу. Усыг 100% жимсний шүүстэй (жишээ нь жүржийн шүүс) хольвол шингэн болон нүүрс усыг өгнө.
• Нүүрс ус. Дасгал хийх үед маш их нүүрс ус  — булчингийн үндсэн тэжээл — шатаадаг. Дасгал хийсний дараах 20-60 минутанд булчин нүүрс ус болон уургийг энерги байдлаар нөөцөлдөг бөгөөд энэ нь бие нөхөн сэргэхэд тусалдаг.
• Уураг. Булчин нөхөн сэргэх, өсгөх процессыг дэмжихийн тулд уурагтай хүнс идээрэй.  

Дээрх зөвлөмжүүд нь ерөнхий зөвлөмж гэдгийг санах хэрэгтэй. Хүн болгоны хоол боловсруулах систем өөр бөгөөд ямар төрлийн дасгал хийж байгаагаас нилээн их зүйл шалтгаална гэж Platt хэлж байна.

Тиймээс өөртөө хамгийн сайн таардаг төрлийн дасгалыг хий. Ходоодондоо хийж байгаа бүхэн (хоол тэжээл) чинь ямар дасгал хийж байгаатай чинь адилхан чухал. Хоол тэжээл болон дасгал хоёр хоёулаа таны моторыг хамгийн сайн ажиллахад маш чухал үүрэгтэй.

Санал болгож буй нийтлэл: Дасгалын өмнө, дундуур болон дараа арьсыг хэрхэн арчилах тухай зөвлөгөө

Санал болгож буй нийтлэл: ONEFIT аппликэйшн ашиглах 5 шалтгаан

 Та ONEFIT аппликэйшнийг татаж авахыг хүсвэл доорх зурган дээр дарж татаж аваарай.