БИЕИЙН ЭРҮҮЛ ЧИЙРЭГ БАЙДАЛ СЭТГЭХҮЙН ЭРҮҮЛ ЧИЙРЭГ БАЙДАЛД НӨЛӨӨЛДӨГ.
Эрүүл саруул махбодийг эрүүл саруул ухаанаас салгашгүй юм.
Бие махбодийн эрүүл чийрэг, фит байдал болон тархины эрүүл байдал хоёрын харилцан уялдааг эрдэмтэд судалжээ. Уг судалгааг АНУ-ын Висконсины Их Сургуулийн кинезиологи буюу биеийн хөдөлгөөний механикийн шинжлэх ухааны туслах профессор бөгөөд Дасгал Хөдөлгөөн ба Тархины Дэлхийн Конгрессийн 2017 оны дарга Jill Barnes удирдан 2013 онд хийсэн байна. Энэхүү судалгаагаар тамирчин биш, хөдөлгөөн багатай болон зугаацах зорилгоор дасгал хийдэг хүмүүсийн тархийг судалсан бөгөөд тэдний тархины судас нь өдөөлтөнд хэрхэн хариу үйлдэл үзүүлж байгааг хэмжжээ.
Ахимаг насны хүмүүс дасгал хийх үед тархины судсас дахин сэргэдэг болохыг судалгааны үр дүн харуулсан байна. Тиймээс, илүү их дасгал хөдөлгөөн хийдэг хүмүүсийн тархинд илүү их цусан хангамж очдог гэсэн дүгнэлтэнд хүрчээ.
Тархийг ажиллуулж, тархинд очих цусан хангамжийг сайжруулдаг дасгал хөдөлгөөн, үйл ажиллагаа нь тархины анхаарлыг бүх л талаар сайжруулдаг гэж Харвардын Анагаах Ухааны Сургуулийн сэтгэл судлалын профессор бөгөөд “Оч: Дасгал Хөдөлгөөн болон Тархины тухай Хувьсгал хийсэн Шинэ Шинжлэх Ухаан” хэмээх 2008 онд хэвлэгдсэн номны зохиогч John Ratey хэлж байна. Тархинд хамгийн сайн дасгал хөдөлгөөн бол зүрхний цохилтыг түргэсгэж байгаа бүх л дасгал хөдөлгөөн юм гэж тэрээр хэлж байна.
Ялангуяа, бие махбодийн дасгал хөдөлгөөнийг координаци сорьсон дасгалуудтай (жишээ нь: саад дундуур хөл бөмбөг залах) хослуулан хийх нь тархинд илүү үр нөлөөтэй гэнэ. Аль болох илүү олон тархины эд эсийг ашиглах тусам дараа нь болох гэж байгаа зүйлийг урьдчилж мэдрэх чадвар тархинд илүү их суудаг гэж Dr. Ratey хэлж байна. Бүжиг, гимнастик, дээс үсрэх, холимог тулаан, далайн давалгаанд гулгах, хөл бөмбөг – бүгдээрээ тархийг жинхэнэ асааж, сэргээдэг гэнэ.
Суугаа ажилтай хүмүүс эсхүл сэтгэхүйн түгжрэлд орох буюу асуудал шийдвэрлэх тал дээр гацаад байгаа үед ядаж шатаар дээш, доош алхах эсхүл ажил дотроо хурдхан алхах (ингэхдээ зүрхний цохилт түргэсч байгаа болон жигдхэн амьсгалж байгаа эсэхэд анхаарах) нь тус болж болох юм.
Эх сурвалж: Уол Стрийт сэтгүүл, 2014 оны 11-р сарын 16-ны нийтлэл
http://www.wsj.com/articles/physical-fitness-mental-fitness-1479145666?mod=e2fb
ONEFIT
ONEFIT бол шинэ зууны фитнесийн гишүүнчлэл. Улаанбаатар хотын хамгийн шилдэг 50 гаруй фитнес, спорт клубт нэг гишүүнчлэлээр орох боломжийг танд олгоно. Апп татаж авахад үнэгүй. Онцгой урамшуулал болон нэмэлт мэдээллийг 70107700, 70107710 дугаараас лавлана уу.
Санал болгох
Ээж охин хоёрын хамтдаа хийх дасгалууд
Спортоор хичээллэх нь хүүхдийн хүмүүжил бие махбодид эерэг сайн нөлөө үзүүлдэг. Харин аавууд болон ээжүүд үр хүүхдүүдтэйгээ хамт дасгал хийснээрээ тэдэнд маш том үлгэр жишээг үзүүлж байгаа юм. Багаас нь хүүхдээ өөрийн бие бялдар эрүүл мэндэд анхаардаг хүн болгохын тулд фитнест явахдаа бяцхан үрсээ дагуулаад явахаа бүү мартаарай.Харин одоо ээж охин хоёр хамдаа ямар дасгал хйиж болох талаар зөвлөгөөг танд хүргэе.
Хүүхдүүдтэйгээ хэрхэн фитнест явах вэ?
Гэр бүлдээ зав гаргаж, тэдэнтэйгээ хамт цагийг өнгөрүүлэх нь таны аз жаргалтай амьдралын нэгээхэн хэсгийг дүүргэж өгдөг. Та өмнө нь гэр бүлийнхээ бүх гишүүдтэй фитнес клуб зорьж, хамт дасгал хийж байсан уу? Хүүхдүүдтэйгээ хамт спортоор хичээллэх боломжийг ONEFIT аппликэйшний тусламжтайгаар, супер гэр бүл багцад хамрагдсанаар олж авах болно. Хүүхдүүдтэйгээ фитнес клуб явахаар зорьж буй танд дараах хэдэн зөвлөмжийг фитнест явахаасаа өмнө хэрэгжүүлэхийг сануулж байна.
Эмэгтэй хүүхдийг багаас нь өөрийгөө хамгаалах чадварт сургахын давуу тал
Охин хүүхэдтэй хүн бүр л түүнийг өсөж том болох хүртэл санаа зовнил нь улам нэмэгддэг болов уу? Эмэгтэйчүүд бид өөрийгөө хамгаалах чадварын тухай хэр мэдлэгтэй байдаг вэ?
In English
сэтгэгдэл үлдээх